“Paxtakor” bosh murabbiyi Shota Arveladze Superliga 4-turidan o‘rin olgan “Surxon”ga (0:0) qarshi o‘yindan so‘ng fikrlarini bildirib o‘tdi.
“Qiyin o‘yin bo‘ldi. Muxlislar stadionni to‘ldirishgani yoqimli bo‘ldi. Yomon harakat qilmadik, vaziyatlar yaratdik. Mezbonlarda ham imkoniyat bo‘ldi. Bu maydonda sal tezroq o‘ynashimiz kerak edi.
Masharipov barcha o‘yinlarda maydonga tushgani sababli ikkinchi bo‘limda unga dam berdik. Ozroq charchab qolgandi.
Komilov yuqori saviyaga kirib olishi uchun bir oz o‘yinlar kerak. Bugun yaxshi harakat qilishga intildi. Maydonning holati menga yoqmadi.
Mezbonlar juda ko‘p holatlarda maydonga yotib olishdi, vaqtni cho‘zishdi. O‘yin boshlanishidan 15 daqiqa o‘tgach, shu ishni boshlab yuborishdi. Bu futbolni o‘ldiradi.
Tan olaman, natijadan qoniqmadim. Biz yaxshi o‘ynab, ikki ochko yo‘qotdik", - deydi Arveladze.
