“Пахтакор” бош мураббийи Шота Арвеладзе Суперлига 4-туридан ўрин олган “Сурхон”га (0:0) қарши ўйиндан сўнг фикрларини билдириб ўтди. 

“Қийин ўйин бўлди. Мухлислар стадионни тўлдиришгани ёқимли бўлди. Ёмон ҳаракат қилмадик, вазиятлар яратдик. Мезбонларда ҳам имконият бўлди. Бу майдонда сал тезроқ ўйнашимиз керак эди. 

Машарипов барча ўйинларда майдонга тушгани сабабли иккинчи бўлимда унга дам бердик. Озроқ чарчаб қолганди. 

Комилов юқори савияга кириб олиши учун бир оз ўйинлар керак. Бугун яхши ҳаракат қилишга интилди. Майдоннинг ҳолати менга ёқмади. 

Мезбонлар жуда кўп ҳолатларда майдонга ётиб олишди, вақтни чўзишди. Ўйин бошланишидан 15 дақиқа ўтгач, шу ишни бошлаб юборишди. Бу футболни ўлдиради. 

Тан оламан, натижадан қониқмадим. Биз яхши ўйнаб, икки очко йўқотдик", - дейди Арвеладзе.