4 aprel kuni Andijon shahridagi Registon maydonida “Biz futbolni tanlaymiz” shiori ostida fleshmob o‘tkazildi.   Mazkur ommaviy tadbirda 500ga yaqin yosh futbolchilar o‘zlari tanlagan sport turining  o‘ziga xos ekanligini namoyish qildilar.    Viloyat futboli faxriylar va sport jamoatchiligi ishtirok etgan fleshmobda Andijon viloyat futbol assosiasiyasi birinchi vise-prezidenti Bekzodbek Karimov so‘zga chiqdi.  

“Mazkur fleshmobni  o‘tkazishdan ko‘zlangan asosiy maqsad futbolni yosh avlod o‘rtasidagi targ‘ibotini yanada kuchaytirish, bu orqali kelajakda iqtidorli o‘yinchilar yetishib chiqishini ta’minlashdan iborat”, - dedi Bekzodbek Karimov.    Shuningdek, tadbir davomida “Andijon” klubining sobiq futbolchilari Baxtiyor Hamidullayev va Lochin Soliyevlar yosh futbolchilarga  master-klasslar o‘tib berishdi.