Respublikamizning barcha hududlarida yoshlar “O‘zbekiston Respublikasi jismoniy tarbiya va sport vazirligi kubogi” sport musobaqalari bo‘lib o‘tmoqda.
Sport musobaqalari voleybol, gandbol, mini-futbol, shaxmat, shashka, yengil atletika, stol tennisi, badminton, suzish va velomarafon bo‘yicha uchta yosh toifasi, ya’ni 14-15, 16-17, 18-30 yoshlilar o‘rtasida ikki bosqichda (tuman va viloyati ) tashkil etildi.
Kuni kecha Toshkent viloyati Bo‘ka tumanida ushbu musobaqaning futbol bo‘yicha 14-15 yoshlilar o‘rtasida viloyat bosqichi bo‘lib o‘tdi. 12 ta jamoa ishtirok etgan bellashuvlarda Kubokni Zangiota tumani yoshlari qo‘lga kiritgan bo‘lsa, ikkinchi o‘rin mezbonlarga va uchinchi o‘rin bekabodlik futbolchilarga nasib etdi.
G‘oliblarga kubok va esdalik sovg‘alarni jismoniy tarbiya va sport vaziri o‘rinbosari Sharifjon Mo‘minjonov topshirdi.
