Toshkent viloyati Bo‘stonliq tumanida joylashgan “Allyur” ot sporti klubida “FEI Jumping Children`s Classic Final-2019” xalqaro bolalar musobaqasi yakuniga yetdi. Mazkur musobaqada dunyoning 12 mamlakatidan tashrif buyurgan yosh chavandozlari kuch sinashishdi.
Quvonarlisi, ushbu musobaqada terma jamoamiz vakillari 1 tadan oltin va bronza medallarini qo‘lga kiritdilar. Hamyurtlarimiz orasida Miryoqub Ismoilov o‘zining «Ledi» laqabli tulporida eng yaxshi natijani qayd etdi. Kumush medal rossiyalik Darya Kukushkinaga nasib etgan bo‘lsa, terma jamoamizning boshqa bir vakili Zokir To‘rajonov bronza medali bilan taqdirlandi.