Tailand poytaxti Bangkok shahrida boks bo‘yicha Osiyo chempionatida yarim final janglari bo‘lib o‘tmoqda. Kunduzgi dasturda 4 nafar sportchimiz ringga ko‘tarildi.

Erkaklar
49 kg.
Eng yengil vazn — 49 kg.da Nodirjon Mirzahmedov qirg‘izistonlik Mirlan Turkbai Uulu bilan bahs olib borib, g‘alabani qo‘lga kiritdi. Hakamlar hamyurtimizning g‘alabasini e’tirof etishdi. Mirzahmedov finalda Hindiston vakili Dipakga qarshi ringga chiqadi. Qozog‘istonlik Jussupov chorak finalda olgan jarohati tufayli ringga chiqmagani bois, Dipak jangsiz finalga yo‘l oldi.

-56 kg:
Mazkur vazn toifasida Mirazizbek Mirzaxalilov yarim finalda filippinlik Pedres Bautistani taslim etdi. Vatandoshimiz finalda hindistonlik Kavinder Singx Bisht bilan chempionlik uchun jang olib boradi.

-91 kg:
Erkaklar o‘rtasida musobaqada ishtirok etayotgan uchinchi bokschimiz ham final yo‘llanmasini qo‘lga kiritdi. Sanjar Tursunov iordaniyalik Hussayn Yashashdan ustun keldi!

Hamyurtimiz finalda janubiy koreyalik Kim Xyon Kyuga qarshi jang qiladi. Koreys bokschisi yarim finalda qozog‘istonlik Vasiliy Levitga qarshi jangning uchinchi raundida raqibini ikki marta nokdaunga uchratib, muddatidan avval g‘oliblikni qo‘lga kiritdi.


Ayollar. 69 kg:
Ayollar o‘rtasidagi musobaqada ishtirok etish uchun Tailandga yo‘l olgan Shahnoza Yunusova Osiyo chempionatining bronza medali bilan taqdirlandi. Hamyurtimiz yarim finalda xitoylik Xong Guga imkoniyatni boy berdi.

Kechki dasturda yana 5 nafar bokschimiz final yo‘llanmasi uchun jang qilishadi.

Kechki dastur, 16:00dan so‘ng:

-60 kg: Shukurjon Rahimov - Tsendbaatar Yerdenebat (Mo‘g‘uliston) (B ring)

-69 kg: Bobousmon Baturov - Ashish (Hindiston) (A ring)

+91 kg: Bahodir Jalolov - Muhammad Mulayes (Suriya) (A ring)

-57 kg: Yodgoroy Mirzayeva - YU-Ting Lin (Xitoy Taypeyi) (B ring, ayollar)

-64 kg: Maftuna Meliyeva - Kaur Baat (Hindiston) (B ring, ayollar)