21-24 aprel kunlari Qatar poytaxtida yengil atletika bo‘yicha navbatdagi Osiyo chempionati bo‘lib o‘tdi. Qit’amizning eng kuchli atletlari qatori terma jamaomiz vakillari ham musobaqa g‘olibligi uchun bahs olib borishdi.
4 kun davom etgan bahslarda hamyurtlarimiz 3 ta oltin va 2 ta bronza medallarini qo‘lga kiritib, yakunda umumjamoa hisobida kuchli beshlikdan joy olishgani haqida xabar bergan edik. Bugun erta tongda mazkur musobaqada ishtirok etgan vakillarimiz Toshkentga qaytib kelishdi. Ularni kutib olish marosimida O‘zbekiston MOQ mutasaddilari, atletlarimizning yaqinlari va keng sport jamoatchiligi ishtirok etishdi.
Ta’kidlash joiz, ushbu musobaqa vakillarimiz uchun Tokio Olimpiadasiga o‘ziga xos tayyorgarlik bosqichi vazifasini o‘tab berdi. Quyida shohsupaga ko‘tarilgan atletlarimizni eslatib o‘tamiz:
Oltin medal egalari:
Ruslan Qurbonov – uch hatlab sakrash
Nadiya Dusanova – balandlikka sakrash
Yekaterina Voronina – yetti kurash
Bronza medali egalari:
Svetlana Radzivil – balandlikka sakrash
Suhrob Xo‘jayev – bosqon uloqtirish.