Bir necha kundan buyon davom etib kelayotgan “Qo‘qon-o‘zbek futbolining vatani” shiori ostidagi musobaqa ham o‘zining yakuniy pallasiga yetib keldi.

Shu kunlarda  “Ahmadxon” sport majmuasi futbol ixlosmandlari bilan gavjum bo‘ldi. Ob-havoning injiqliklariga qaramay, har bir uchrashuvni bevosita stadionda ming nafarga yaqin tomoshabinlar kuzatib borishmoqda. 

Avval xabar berib o‘tganimizdek, faxriylar va havaskor futbolchilardan tashkil topgan 16 jamoa g‘oliblik uchun kurashga kirishgandi.  Guruh bosqichidan keyin kuchli sakkizta jamoa chorak finalga yo‘llanma oldi. 

Pley-off bosqichi olimpiya tizimidan o‘tkazilgani bois 1/4  finaldan boshlab har bir uchrashuv murosasiz va keskin kurashlar ostida o‘tdi. Har bir jamoa g‘oliblik uchun munosib ekanligini isbotlashga harakat qildi. Muxlislar ham maydonda chiroyli futbolining guvohiga aylanishdi. 

Kechagi yarim final o‘yinlarida qayd etilgan natijalar bilan tanishing:  

Yarim final

“Spartak” – “Faxriylar-1”  - 4:5    

“Progress” – “Shahar” – 1:3