«Ayaks» bosh murabbiyi Erik ten Xag Yevropa chempionlar ligasi yarim final bosqichi doirasida «Tottenxem»ga qarshi bo‘ladigan o‘yin oldidan o‘z fikrlarini bildirib o‘tdi.

«Jamoa yaxshi holatda. Biz hozir jismoniy xihatdan yaxshi formadamiz, ambisiyalarimiz yuqori. Biz o‘zimizning optimal darajamizni ko‘rsatishimiz mumkin. Buni eplay olamiz.

Ushbu mavsumda ko‘plab o‘yinlarda ishtirok etdik. O‘ylaymanki, "Tottenxem"ga qarshi o‘yinda imkoniyatimiz yomon emas. O‘zimizning eng kuchli jihatlarimiz asosida yaxshi tayyorgarlik ko‘rdik. Raqibni hurmat qilishimiz kerak. Biz hamisha shunday qilamiz.

Qaysi tomonlama o‘sishga erishishimiz mumkin? Vaziyatlardan foydalanish borasida yaxshiroq ishlashimiz kerak. «Real»ga qarshi uy o‘yinida bu narsa ko‘rinib qoldi. Turinda 2:1 hisobida g‘alaba qozondik, ammo hisob yanada yirikroq bo‘lishi kerak edi.

Men irimchi emasman. O‘z jamoam, futbolchilarim va o‘zimning rejamizga ishonaman. Yevropa chempionlar ligasida yarim finalgacha yetib bordik. Bu ajoyib. Mavsum boshida golland klub bu bosqichgacha yetib kelishini hech kim taxmin qilmagan edi. Ma’lum darajada muvaffaqiyatga erishdik, lekin biz ko‘prog‘ini kutyapmiz», – dedi Erik ten Xag.