"Barselona" hujumchisi Lionel Messi YECHL yarimfinalining birinchi o‘yinida "Liverpul" ustidan qozonilgan g‘alabadan so‘ng fikrlari bilan o‘rtoqlashdi.
"Dembeleda yaxshi vaziyat bo‘lgandi. Uchtadan ko‘ra, to‘rtta gol bo‘lgani yaxshi edi, ammo natija juda yaxshi.
Yarimfinal masalasi hal bo‘lmaganini hammamiz bilamiz. "Enfild"da o‘yin juda qiyin bo‘ladi. Raqib bosim qiladi, ammo yubiz hozirgi natijamizdan mamnunmiz.
"Liverpul"ning gol ura olmagani juda muhim. Birinchi bo‘limda biz yaxshiroq o‘ynadik, ikkinchisida raqib bosim qildi, ammo ularda vaziyatlar kam bo‘ldi. Ular gol urishni juda xohladilar, safardagi gol ko‘p narsani hal qilar edi.
Golim foydali bo‘ldi. Gol urishimga umid qilgandim, to‘p darvozagi kirib, omadim keldi", - deydi Messi.
