Yevropa futboli tarixida 8 marta "trebl" qayd etilgan. Ya’ni bir jamoa bitta mavsumda Chempionlar ligasi, milliy chempionati va mamlakat kubogini qo‘lga kiritgan. Xo‘sh, ushbu mavsumda to‘qqizinchi marta "oltin xet-trik" qo‘lga kiritilishi mumkinmi? Qaysi jamoa tomonidan?

Qayd etilgan "trebl"lar:

1966/67: "Seltik"*
1971/72: "Ayaks"
1987/88: PSV
1998/99: "Manchester Yunayted"
2008/09: "Barselona"
2009/10: "Inter"
2012/13: "Bavariya"
2014/15: "Barselona" **

Izoh: * Liga kubogi ba’zi mamlakatlardagina o‘tkaziladi. 1966/67 yilgi mavsumda "Seltik" "oltin poker" qayd etgan yagona jamoa hisoblanadi. Jamoa o‘sha yili Yevropa chempionlar kubogi, Shotlandiya chempionati, Shotlandiya kubogi va Liga kubogida g‘olib chiqqan.

** O‘z tarixida ikki marta "oltin xet-trik"ga erishgan yagona jamoa — "Barselona".

Yevropa chempionlar ligasida 4ta jamoa qoldi. Ulardan ikkitasida "trebl" qilish imkoniyati saqlanib qolgan.

"Barselona"

YECHL: Yarim finalning dastlabki o‘yinida "Liverpul"ni 3:0 hisobida mag‘lub etdi. Javob o‘yini 7 may kuni safarda o‘tkaziladi.

Chempionat: chempion

Kubok: "Valensiya"ga qarshi final o‘yini 25 may kuni bo‘lib o‘tadi.

"Ayaks"

YECHL: Yarim finalning dastlabki o‘yinida "Tottenxem"ni safarda 1:0 hisobida mag‘lub etdi. Javob bahsi 8 may kuni Amsterdamda bo‘lib o‘tadi.

Chempionat: Mavsum tugashiga 2 tur qolganida "PSV" bilan birga 80 ochko to‘plagan holda, to‘plar farqiga ko‘ra 1-o‘rinni egallab turibdi.

Kubok: "Villem"ga qarshi final bahsi 5 may kuni o‘tkaziladi.