Европа футболи тарихида 8 марта "требл" қайд этилган. Яъни бир жамоа битта мавсумда Чемпионлар лигаси, миллий чемпионати ва мамлакат кубогини қўлга киритган. Хўш, ушбу мавсумда тўққизинчи марта "олтин хет-трик" қўлга киритилиши мумкинми? Қайси жамоа томонидан?
Қайд этилган "требл"лар:
1966/67: "Селтик"*
1971/72: "Аякс"
1987/88: ПСВ
1998/99: "Манчестер Юнайтед"
2008/09: "Барселона"
2009/10: "Интер"
2012/13: "Бавария"
2014/15: "Барселона" **
Изоҳ: * Лига кубоги баъзи мамлакатлардагина ўтказилади. 1966/67 йилги мавсумда "Селтик" "олтин покер" қайд этган ягона жамоа ҳисобланади. Жамоа ўша йили Европа чемпионлар кубоги, Шотландия чемпионати, Шотландия кубоги ва Лига кубогида ғолиб чиққан.
** Ўз тарихида икки марта "олтин хет-трик"га эришган ягона жамоа — "Барселона".
Европа чемпионлар лигасида 4та жамоа қолди. Улардан иккитасида "требл" қилиш имконияти сақланиб қолган.
"Барселона"
ЕЧЛ: Ярим финалнинг дастлабки ўйинида "Ливерпуль"ни 3:0 ҳисобида мағлуб этди. Жавоб ўйини 7 май куни сафарда ўтказилади.
Чемпионат: чемпион
Кубок: "Валенсия"га қарши финал ўйини 25 май куни бўлиб ўтади.
"Аякс"
ЕЧЛ: Ярим финалнинг дастлабки ўйинида "Тоттенхэм"ни сафарда 1:0 ҳисобида мағлуб этди. Жавоб баҳси 8 май куни Амстердамда бўлиб ўтади.
Чемпионат: Мавсум тугашига 2 тур қолганида "ПСВ" билан бирга 80 очко тўплаган ҳолда, тўплар фарқига кўра 1-ўринни эгаллаб турибди.
Кубок: "Виллем"га қарши финал баҳси 5 май куни ўтказилади.
