“Andijon” “Dinamo” uchrashuvidan so‘ng mehmonlar bosh murabbiyi Davron Fayziyev uchrashuv haqidagi fikrlarini bildirdi:
“Uchrashuv haqida gapirishdan avval halqimizni Ramazon oyi bilan tabriklayman. Uchrashuv haqida to‘taladigan bo‘lsam, o‘yinni yaxshi boshladik, ammo orada maydon egalariga to‘pni berib qo‘ydik. Keyinchalik yana o‘z o‘yinimizni topib oldi. Biz bu yerga himoyaviy o‘ynaymiz deb kelmadik. Yigitlarimga rahmat aytaman. O‘yin biz uchun yaxshi yakunlandi. Bunday o‘yinlarda murabbiy asabiylashadi. Murabbiy o‘z oldida “Validol” olib yurishi kerak.
Jamoamiz maydonning har bir qarichi uchun kurashadi. Men bu yigitlarga ishonman. Yigitlar esa ishonchni oqlashyapti. Bizishlashda va izlaishdadavom etamiz.
Legioner? Menga legioner kerak emas. Nima qilaman legionerni? Undan ko‘ra yosh yigitlarga imkon berish kerak. Ular terma jamoamiz futbolchilari bo‘lishi mumkin. Men yigitlardan doimo pas va chiroyli futbol ko‘rsatishlarini xohlayman. Bugugi o‘yinda qanoatlanmadim. Sababi men g‘alaba qozonishni xohlayman.
Jarohatlar? Jarohatlar futbolning bir qismi. Bugun ham bir nechta futbolchilarimiz jarohat oldi. Umid qilaman ularda hammasi yaxshi", deya Davron Fayziyev sshlarini keltiradi STADION.UZ muhbiri Jaloliddin Qobiljonov.
