Toshkent viloyatining Qibray tumanida BO‘SM va IBO‘SM jamoalari ishtirokida futzal bo‘yicha Respublika chempionati bo‘lib o‘tmoqda.

2006 yilda tug‘ilgan bolalardan iborat jamoalar g‘oliblik uchun kurash olib borayotgan musobaqaning final ishtirokchilari aniqlandi. Kecha o‘tkazilgan yarim final uchrashuvlarida Toshkent shahri sharafini himoya qilayotgan Olmazor tumanida joylashgan BO‘SM-2 jamoasi Qoraqalpog‘iston Respublikasi Taxiatosh tumanidan tashrif buyurgan BO‘SM tarbiyalanuvchilarini yirik hisobda mag‘lub etdi.

Ikkinchi yarim finalda qo‘shnilar o‘zaro kuch sinashdi. Bu bellashuvda ham yirik hisob qayd etildi. Arsanoy tumanida (Jizzax viloyati) joylashgan BO‘SM tarbiyalanuvchilari Mirzabod tumanidan (Sirdaryo viloyati) tashrif buyurgan tengdoshlarini taslim etishdi.

Bugun musobaqaning final uchrashuvi bo‘lib o‘tadi.
 
O‘ZBEKISTON CHEMPIONATI
YARIM FINAL, 5 may (yakshanba)

Toshkent shahri – Qoraqalpog‘iston Respublikasi – 7:1
Gollar: Saidbilol Yo‘ldoshev (4ta), Doston Rixsiboyev (2ta), Nodir Zokirov – Obod Ortiqboyev.
 
Jizzax viloyati – Sirdaryo viloyati – 5:1
Gollar: Ro‘zimurod Umarov (2ta), Navro‘z Ismatullayev (2ta), Samandar Ismatullayev – D.Hasanov.