Osiyo chempionlar ligasining "Paxtakor" o‘rin olgan "D" guruhida yana bir o‘yin bo‘lib o‘tdi. "As-Sadd" o‘z maydonida Saudiyaning "Al-Ahli" klubini qabul qilib, 2:1 hisobida g‘alaba qozondi. Natijada, Xavi jamoasi o‘z ochkolarini 10taga yetkazib, muddatidan avval pley-off yo‘llanmasini qo‘lga kiritdi.
Eronnning "Persepolis" klubi esa bu guruhdan chiqa olmasligi aniq bo‘ldi. Demak, ikkinchi yo‘llanma taqdiri "Paxtakor" va "Al-Ahli" jamoalari o‘rtasidagi o‘yinda hal bo‘ladi. Ushbu jamoalar 20 may kuni Jidda shahrida to‘qnash kelishadi. O‘sha o‘yinda mezbonlarni faqat va faqat qanoatlantirsa, toshkentliklarning pley-offga chiqishi uchun durang ham yetarli bo‘ladi.
"Al-Ahli" - "Paxtakor" o‘yini 20 may kuni Toshkent vaqti bilan tungi soat 00:00da boshlanadi.
| № | Jamoa | O‘yin | G‘alaba | Durang | Mag‘-t | T-N | Ochko |
|---|---|---|---|---|---|---|---|
| 1 | As-Sadd | 5 | 3 | 1 | 1 | 7-6 | 10 |
| 2 | Paxtakor | 5 | 2 | 2 | 1 | 6-5 | 8 |
| 3 | Al-Ahli (SA) | 5 | 2 | 0 | 3 | 5-6 | 6 |
| 4 | Persepolis | 5 | 1 | 1 | 3 | 4-5 | 4 |
