Osiyo futbol konfederasiyasining tartib-intizom qo‘mitasi O‘zbekiston terma jamoasi darvozaboni Ignatiy Nesterov borasida qaror qabul qildi, deb yozmoqda futbol mutaxassisi Alisher Nikimbayev o‘zining Telegram’dagi kanalida.
«O‘zbekiston terma jamoasi darvozaboni 8 oyga futboldan chetlatildi. Diskvalifikasiya muddati 2019 yil 13 fevralidan kuchga kirgan deb hisoblanadi. Ya’ni, Nesterov 13 oktyabr kuni maydonga tusha olishi mumkin. 13 avgust sanasidan boshlab esa Nesterov mashg‘ulotlarni boshlashi va shartnoma tuzishi mumkin bo‘ladi. Ayblovchi tomon 16 oylik diskvalifikasiya talab qilganini hisobga olinsa, doping bilan kurash kundan kunga avj olayotgan bir paytda 8 oy juda ham yengil jazo hisoblanadi. Nesterov ishi bu yaqinda tuzilgan O‘zbekiston futbolchilar kasaba uyushmasining dastlabki aksiyasi hisoblanadi. Ushbu tashkilot O‘zbekiston terma jamoasi posbonini himoya qilish uchun mashhur Rossiya yuridik kompaniyasini jalb qilgan edi», — deb yozadi Alisher Nikimbayev.
