“Bunyodkor” – “Qo‘qon-1912” uchrashuvidan so‘ng “Qo‘qon-1912” jamoasi birinchi vise-prezidenti Vitaliy Ni quyidagicha fikr bildirib o‘tdi:
- Biz har bir o‘yinda g‘alaba qozonish uchun maydonga tushamiz. Bugungi bahsda ham shuni maqsad qilgandik. Ikkinchi taymda raqibdan yaxshi harakat qildik. Ammo bu futbol unda shunday mag‘lubiyatlar bo‘lib turadi. Hisob 1:1 bo‘lib turgan paytda bir qator vaziyatlarni golga aylantira olmadik. Agar ularning bittasida samara keltira olganimizda ham bugun uch ochkoga ega bo‘lgan bo‘lardik. Afsuski, vaziyatlardan unumli foydalana olmadik. Endi keyingi o‘yinga xatolardan xulosa chiqargan holda tayyorgarlik ko‘ramiz.
Bugun bizni butun uchrashuv davomida tinimsiz qo‘llab-quvvatlab turgan muxlislarimizga minnatdorchilik izhor etamiz, - dedi mutaxassis.
