“Бунёдкор” – “Қўқон-1912” учрашувидан сўнг “Қўқон-1912” жамоаси биринчи вице-президенти Виталий Ни қуйидагича фикр билдириб ўтди:
- Биз ҳар бир ўйинда ғалаба қозониш учун майдонга тушамиз. Бугунги баҳсда ҳам шуни мақсад қилгандик. Иккинчи таймда рақибдан яхши ҳаракат қилдик. Аммо бу футбол унда шундай мағлубиятлар бўлиб туради. Ҳисоб 1:1 бўлиб турган пайтда бир қатор вазиятларни голга айлантира олмадик. Агар уларнинг биттасида самара келтира олганимизда ҳам бугун уч очкога эга бўлган бўлардик. Афсуски, вазиятлардан унумли фойдалана олмадик. Энди кейинги ўйинга хатолардан хулоса чиқарган ҳолда тайёргарлик кўрамиз.
Бугун бизни бутун учрашув давомида тинимсиз қўллаб-қувватлаб турган мухлисларимизга миннатдорчилик изҳор этамиз, - деди мутахассис.
