Turinning “Yuventus” klubi hujumchisi Krishtianu Ronaldu Italiya chempionatining joriymavsumdagi eng yaxshi futbolchisi deb topildi. Bu haqida Football Italia nashri xabar tarqatdi.

Qolaversa, u bilan birga darvozabon Samir Handanovich (“Inter”), himoyachi Kalidu Kulibali (“Napoli”), yarimhimoyachi Sergey Milinkovich-Savich (“Lasio”), yarimhimoyachi Nikolo Zanyolo (“Roma”) va “A” Seriyaning ayni damdagi to‘purari Fabio Kualyarella ham mavsumning eng yaxshilari qatoriga kiritildi.

Eslatib o‘tamiz, Ronaldu 2018 yil yozida “Yuventus”ga o‘tgan edi. Joriy mavsumda Krishtianu “A” Seriyada 30ta o‘yinda maydonga tushib, 21ta gol urgan va 11ta golga hammualliflik qilgan.