Туриннинг “Ювентус” клуби ҳужумчиси Криштиану Роналду Италия чемпионатининг жориймавсумдаги энг яхши футболчиси деб топилди. Бу ҳақида Football Italia нашри хабар тарқатди.

Қолаверса, у билан бирга дарвозабон Самир Ҳанданович (“Интер”), ҳимоячи Калиду Кулибали (“Наполи”), яримҳимоячи Сергей Милинкович-Савич (“Лацио”), яримҳимоячи Николо Заньоло (“Рома”) ва “А” Сериянинг айни дамдаги тўпурари Фабио Куальярелла ҳам мавсумнинг энг яхшилари қаторига киритилди.

Эслатиб ўтамиз, Роналду 2018 йил ёзида “Ювентус”га ўтган эди. Жорий мавсумда Криштиану “А” Серияда 30та ўйинда майдонга тушиб, 21та гол урган ва 11та голга ҳаммуаллифлик қилган.