AGMK – “So‘g‘diyona” uchrashuvidan so‘ng mehmonlar ustozi Ulug‘bek Baqoyev quyidagicha fikr bildirib o‘tdi:
- Musobaqa jadvalida yaqin joylashgan edik va bugungi bahs shu sababdan ham ancha qiyin tarzda o‘tishini bilar edik. Uchrashuv chindan ham ancha qiyin o‘tdi. Bizga tezkor gol kirita olganimiz ancha naf berdi. Yigitlar butun bahs davomida tartibli o‘yin ko‘rsatishga intilishdi va buni uddalay olishdi. Yakunda raqib darvozasiga ikkinchi golni ham kiritishga muvaffaq bo‘ldik, - dedi mutaxassis.
