Kecha Andijon shahridagi "Sog‘lom avlod" stadionida O‘zbekiston yoshlar terma jamoasi Berlin akademiyasi tarbiyalanuvchilariga qarshi dastlabki o‘rtoqlik o‘yini o‘tkazdi. Uchrashuv 1:1 hisobida durang bilan tugadi. Uchrashuvdan so‘ng tashkil qilingan matbuot anjumanida mehmonlar ustozi Genri Ronesh ishtirok etdi.
“Hammasi a’lo darajada o‘tdi. Futbolchilarimga stadiondagi muhit juda yoqdi. Futolchilarim birinchi marta bunday atmosferada o‘ynashdi. Bu o‘yin butun umr ularning esda qoladi.
- O‘zbekiston yoshlar terma jamoasi haqida fikringiz?
- Biz uchrashuv oldidan qiyin o‘yin bo‘lishini bilgandik. Raqibning hujum chizig‘idagi futbolchilar juda tezkor ekan. Shuningdek sizlarning terma jamoangizda indvidual mahorat egalari ko‘p ekan.
- Raqib safida harakat qilgan qaysi futbolchilar sizga yoqdi?
- Hujumchilarning hammasi yoqdi. Alohida aytadigan bo‘lsam 17-raqamdagi Ruslan Ro‘ziyevning harakatlari menga yoqdi. U himoyachilarimizga yetarli muammolar to‘g‘dira oldi.
- Durang natijadan qoniqdingizmi?
- Ha natijadan xursandmiz. Sababi raqibda ko‘plab imkoniyatlar bo‘ldi, ammo darvozabonimiz ishonchli harakat qilib, ajoyib 3ta seyvni amalga oshirdi. Asosan himoyada o‘ynaganimiz sababli bizda imkoniyatlar kamroq bo‘ldi.
Hakamlarni ayblamoqchi emasman. Ammo Germaniya bilan solishtirganda bu yerda hakamlik butkul farq qiladi. Bizda futbolchi ikki oyog‘i bilan raqibga tashlansa to‘g‘ridan to‘g‘ri qizil kartochka ko‘rsatiladi. Bugun ayrim vaziyatlarda bunday bo‘lmadi. Germaniyada hakamlar yakka kurashlarga qo‘yib berishadi. Ammo hakamlarni yomonlamoqchi emasman. Ajoyib atmosfera uchun yana bir bor rahmat", deya Ronesh so‘zlarini keltiradi Stadion.uz muhbiri Jaloliddin Qobiljonov.
