Coca-Cola Superliga 10-turi doirasidagi «Dinamo» - «Qizilqum» uchrashuvida PFL tashabbusi bilan «Dinamo» klubi tomonidan o‘tkazilayotgan “Saratondan soyabon bo‘l” xayriya aksiyasi o‘tkaziladi. Caraton kasali bilan og‘rigan bolakaylar stadionda bo‘lib, futbol uchrashuvi jarayonlarida ishtirok etishadi.

Shu kuni stadion kirish eshiklari oldida xayriya qutilari o‘rnatilib, saxovatpesha muxlislar muqaddas Ramazon oyida og‘ir hastalik bilan kurash olib borayotgan bolakaylar uchun moddiy yordam qo‘llarini cho‘zishlari mumkin.

Quyida 3 nafar bemor uchun ochilgan plastik kartochka hisob raqami keltirilgan. Xayriya aksiyasida ishtirok eting va saraton kasalligi bilan kurashayotgan bolakaylarni qo‘llab, soyabon bo‘ling! Hayot va mehrga tashna bolakaylarga mehrimizni darig‘ tutmaylik!