"Manchester Yunayted"ning sobiq murabbiysi Ser Aleks Fergyuson va jamoa o‘rtasidagi munosabat yomonlashgan, deb xabar tarqatdi "Daily Mail".

Manbaga ko‘ra, Fergyuson "qizil iblislar" rahbariyati u bilan maslahatlashmasdan ish yuritayotganidan ranjigan. Ta’kidlanishicha, "MYU" rahbariyati 77 yoshli mutaxassisning qo‘ng‘iroqlariga javob qaytarmayapti va uning fikrlarini inobatga olmasdan qaror chiqaryapti.

Ma’lumot uchun, aynan Fergyuson Sulsher bilan rasman shartnoma imzolashga shoshilmasdan, mavsum oxirigacha kutishni va "Tottenxem" ustozi Maurisio Pochettino bilan muzokara o‘tkazishni maslahat bergandi.