"Манчестер Юнайтед"нинг собиқ мураббийси Сер Алекс Фергюсон ва жамоа ўртасидаги муносабат ёмонлашган, деб хабар тарқатди "Daily Mail".
Манбага кўра, Фергюсон "қизил иблислар" раҳбарияти у билан маслаҳатлашмасдан иш юритаётганидан ранжиган. Таъкидланишича, "МЮ" раҳбарияти 77 ёшли мутахассиснинг қўнғироқларига жавоб қайтармаяпти ва унинг фикрларини инобатга олмасдан қарор чиқаряпти.
Маълумот учун, айнан Фергюсон Сульшер билан расман шартнома имзолашга шошилмасдан, мавсум охиригача кутишни ва "Тоттенхэм" устози Маурисио Почеттино билан музокара ўтказишни маслаҳат берганди.
