«Barselona» omadsiz yakunlangan mavsumdan so‘ng, ko‘plab mutaxassislar Katoloniya klubining ustozi Ernesto Valverdening iste’fosini kutishmoqda. «Barselona» futbolchilari qanday fikrda? Ular murabbiyning ketishi tarafdorimi, yoki qolishi? Savollarga bugun javob izlashga urinib ko‘ramiz.
Pike
Men o‘zimni va jamoamni oqlamoqchi emasman. Biz «Barselona»miz va biz hamma sovrinlarni qo‘lga kiritishimiz shart. Hozirda Valverdening kelajagi borasida bizda hech qanday hovotir yo‘q. Biz har uchrashuvdan so‘ng o‘z o‘yinimizning o‘sishi uchun xulosalar chiqarishimiz shart. Klubda men hech qanday ovozga ega emasman, biroq uning qolishi tarafdoriman. To‘g‘ri, bu mavsumdagi omadsizlikda uning ham xizmatlari mavjud. Shunday bo‘lsada, unga yana bir imkoniyat berish kerak deb hisoblayman, biroq qaytarib aytaman-ki, mening qo‘limdan hech narsa kelmaydi va so‘nggi so‘zni rahbariyat aytadi.
Luis Suarez
«Barselona» singari qudratli klub uchun murabbiy bahona bo‘la olmaydi. Agar hamma futbolchilar mas’uliyatni his qilib harakat qilganida hozir Ernesto noqulay ahvolda qolmagan bo‘lar edi. Biz 2 mavsumdan beri klubimiz darajasidagi futbolni namoyish eta olmayapmiz. Qilingan qo‘pol xatolardan xulosa chiqarish o‘rniga, qayta-qayta qoqilmoqdamiz. «Barselona» klubini kim boshqarishidan qat’iy nazar u klub darajasidagi murabbiy bo‘lsa, nur ustiga a’lo nur bo‘lar edi.
Serhio Buskets
«Barselona» o‘z obro‘sini yo‘qotib qo‘ydi. Bundan bir necha mavsum avval biz bir-birimizga juda yaqin o‘ynar edik va jamoamiz anchagina yig‘inchoq edi. Valverdening kelishi bilan biz o‘zgara boshladik. Balki, Enrike davrida o‘zgarishni boshlagandirmiz. To‘g‘risi, bilamadim. Bu masalani rahbariyat hal qiladi. Shunday bo‘lsada, bu tempda ketishning boshqa iloji yo‘q. Biz o‘zimizga kelishimiz va jamoaviy o‘yini qayta qurishimiz zarur!
Leo Messi
Meni murabbiy va futbolchilarning klubdagi taqdirini hal qiladi deb o‘ylaganlar adashadi. Ba’zan mening fikrim bilan qiziqishadi ba’zan esa yo‘q. Har doim hal qiluvchi qarorni klub mutasaddilari qabul qilib kelishgan va shunday bo‘lib qoladi. Valverde yaxshi murabbiy, biroq bizga hammasini o‘zgartirib yubora oladigan kuchli mutaxassis suv va havodek zarur!
