«Барселона» омадсиз якунланган мавсумдан сўнг, кўплаб мутахассислар Католония клубининг устози Эрнесто Валверденинг истеъфосини кутишмоқда. «Барселона» футболчилари қандай фикрда? Улар мураббийнинг кетиши тарафдорими, ёки қолиши? Саволларга бугун жавоб излашга уриниб кўрамиз.
Пике
Мен ўзимни ва жамоамни оқламоқчи эмасман. Биз «Барселона»миз ва биз ҳамма совринларни қўлга киритишимиз шарт. Ҳозирда Валверденинг келажаги борасида бизда ҳеч қандай ҳовотир йўқ. Биз ҳар учрашувдан сўнг ўз ўйинимизнинг ўсиши учун хулосалар чиқаришимиз шарт. Клубда мен ҳеч қандай овозга эга эмасман, бироқ унинг қолиши тарафдориман. Тўғри, бу мавсумдаги омадсизликда унинг ҳам хизматлари мавжуд. Шундай бўлсада, унга яна бир имконият бериш керак деб ҳисоблайман, бироқ қайтариб айтаман-ки, менинг қўлимдан ҳеч нарса келмайди ва сўнгги сўзни раҳбарият айтади.
Луис Суарез
«Барселона» сингари қудратли клуб учун мураббий баҳона бўла олмайди. Агар ҳамма футболчилар масъулиятни ҳис қилиб ҳаракат қилганида ҳозир Эрнесто ноқулай аҳволда қолмаган бўлар эди. Биз 2 мавсумдан бери клубимиз даражасидаги футболни намойиш эта олмаяпмиз. Қилинган қўпол хатолардан хулоса чиқариш ўрнига, қайта-қайта қоқилмоқдамиз. «Барселона» клубини ким бошқаришидан қатъий назар у клуб даражасидаги мураббий бўлса, нур устига аъло нур бўлар эди.
Серҳио Бускетс
«Барселона» ўз обрўсини йўқотиб қўйди. Бундан бир неча мавсум аввал биз бир-биримизга жуда яқин ўйнар эдик ва жамоамиз анчагина йиғинчоқ эди. Валверденинг келиши билан биз ўзгара бошладик. Балки, Энрике даврида ўзгаришни бошлагандирмиз. Тўғриси, биламадим. Бу масалани раҳбарият ҳал қилади. Шундай бўлсада, бу темпда кетишнинг бошқа иложи йўқ. Биз ўзимизга келишимиз ва жамоавий ўйини қайта қуришимиз зарур!
Лео Месси
Мени мураббий ва футболчиларнинг клубдаги тақдирини ҳал қилади деб ўйлаганлар адашади. Баъзан менинг фикрим билан қизиқишади баъзан эса йўқ. Ҳар доим ҳал қилувчи қарорни клуб мутасаддилари қабул қилиб келишган ва шундай бўлиб қолади. Валверде яхши мураббий, бироқ бизга ҳаммасини ўзгартириб юбора оладиган кучли мутахассис сув ва ҳаводек зарур!
