O‘zbekiston Liga Kubogining 1-turidan o‘rin olgan «Metallurg» - «Bunyodkor» (1:0) uchrashuvidan keyin mehmonlar bosh murabbiyi Vadim Abramov o‘z fikrlari bilan o‘rtoqlashdi.
- «Metallurg»ga qarshi Superliga doirasida o‘ynaganimizga hali ko‘p bo‘lgani yo‘q. O‘sha uchrashuvdan farqli ravishda bugun asosiy tarkibda asosan zaxirada qolib ketayotgan futbolchilar maydonga tushdi. Shunda bo‘lsa-da, yomon o‘ynaganimiz yo‘q, shunchaki, tushunarsiz vaziyatda gol o‘tkazib yubordik. «Metallurg»ni g‘alaba bilan tabriklayman! Biz navbatdagi o‘yinlar orqali bugungi mag‘lubiyat o‘rnini to‘ldirishga harakat qilamiz, - dedi mutaxassis.
