O‘zbekiston Liga Kubogining 1-turidan o‘rin olgan “Nasaf” – “Navbahor” uchrashuvidan so‘ng mehmonlar ustozi Andrey Kanchelskis quyidagicha fikr bildirib o‘tdi:
- “Nasaf” jamoasini qozonilgan g‘alaba bilan tabriklayman. Ajoyib yosh futbolchilardan iborat jamoa. O‘z yoshiga nisbatan ancha dadil va tartibli o‘yin namoyish etishdi ular. Biz ham bugun asosiy o‘yinchilarga dam bergan holda, yoshlarga imkoniyat taqdim etdik. O‘yindan oldin ular bilan ko‘p suhbatlashdik. Lekin afsuski uchrashuv davomida o‘sha suhbatlarda aytilgan o‘yin namoyish etilmadi. Mayli, mag‘lubiyat yosh o‘yinchilarga dars bo‘ladi.
Lekin bunday yirik hisobda mag‘lub bo‘lish va buncha ko‘p gol o‘tkazib yuborish ham yaxshi emas. Qolaversa, o‘yinchimiz chetlatilgani ham o‘z ta’sirini o‘tkazdi. Shuningdek, yuzaga kelgan qulay imkoniyatlardan foydalana olmadik. Bu borada jamoamiz oqsayapti, - dedi mutaxassis.
