Bugun jonli efirda O‘zbekiston kubogi 3-bosqichiga qur’a tashlanadi.

Coca Cola O‘zbekiston kubogida ikkinchi bosqich uchrashuvlari o‘tkazilib, uchinchi bosqich ishtirokchilari aniqlanganidan xabaringiz bor.

Bugun O‘zbekiston milliy terma jamoasi Toshkentda Koreya Xalq Demokratik Respublikasiga qarshi o‘rtoqlik o‘yini o‘tkazadi. Mazkur uchrashuv oldidan «Milliy» stadionda O‘zbekiston kubogi uchinchi bosqichiga qur’a tashlash marosimi bo‘lib o‘tadi. Qur’a "Sport" telekanali orqali jonli efirda namoyish etiladi.

Ta’kidlash joiz, O‘zbekiston – KXDR uchrashuvi soat 20:00da boshlanadi. Undan oldin esa qur’a tashlash marosimi bo‘lib o‘tadi.