Professional boksning super o‘rta (-76,2 kg) vazn toifasida faoliyatini boshlagan o‘zbekistonlik Bektemir Meliqo‘ziyev (1-0, 1 KO) debyut jangini muvaffaqiyatli o‘tkazdi.

Hollivudda bo‘lib o‘tgan jangda Bektemirga argentinalik Martin Fidel Rios (23-20-4, 13 KO) raqiblik qildi. Jangning birinchi raundidayoq Bektemir tomonidan berilgan dastlabki kuchli zarba Riosni yerga qulatdi va hakam sof nokaut qayd etdi.

Qayd etish lozim, argentinalik bokschi uzoq vaqt o‘ziga kela olmay o‘rnida turv olmadi. Shunday qilib Meliqo‘ziyev o‘zining debyut jangida g‘alaba qozondi.