O‘zbekiston futbol assosiasiyasi tomonidan istiqbolli va iqtidorli futbolchilarni turli yosh toifadagi milliy terma jamoalar hamda professional futbol klublari uchun tayyorlab borish maqsadida bir qator chora-tadbirlar amalga oshirilmoqda.
Jumladan, O‘zbekiston futbol assosiasiyasi huzuridagi Qoraqalpog‘iston Respublikasi, viloyatlar va Toshkent shahar bolalar-o‘smirlar futbol akademiyalarining U-14, U-15, U-16, U-17 yoshdagi tarbiyalanuvchilari o‘rtasida O‘zbekiston Chempionati tashkil etilgan bo‘lib, ertaga 21 iyun kuni ana shu musobaqaning 12-tur o‘yinlariga start berildi.
"A" guruhidagi 12-tur uchrashuvlarida Xorazm viloyati akademiyasi Qoraqalpog‘iston Respublikasi akademiyasiga qarshi, Navoiy viloyati akademiyasi Samarqand akademiyasiga qarshi, Qashqadaryo viloyati akademiyasi Buxoro viloyati akademiyasiga qarshi bahs olib boradi. "A" guruhida 12-turda Surxondaryo akademiyasi futbolchilari dam oladi.
"B" guruhida 12-turda Farg‘ona viloyati akademiyasi Andijon viloyati akademiyasiga qarshi, Sirdaryo viloyati akademiyasi Jizzax viloyat akademiyasiga qarshi, Toshkent viloyati akademiyasi Toshkent shahar akademiyasiga qarshi bahs olib boradi. Bu guruhda 12-turda Namangan viloyati akademiyasi futbolchilari dam oladi.
O‘tkazilgan o‘yinlar natijalari 12-tur yakunlanganidan keyin saytimiz orqali e’lon qilinadi.
