Superliganing 12-turi doirasidagi "Andijon" - AGMK uchrashuvidan keyin tashkil etilgan matbuot anjumanidning ikkinchi qismida mezbonlar ustozi Aleksandr Xomyakovishtirok etdi.

- Albatta natijadan xafamiz. O‘yinning birinchi daqiqalaridanoq uchrashuv bizning nazorat ostida o‘tmayotgani ko‘rinib turgandi. Biz bunday boshlashni rejalashtirmagan edik. Biz passiv o‘yin ko‘rsatdik va ustunlikka egalik qilolmadik. Raqib esa bizning xatolarimizdan unumli foydalandi. Birinchi bo‘limda o‘tkazib yuborilgan golni yo‘qqa chiqarishga erishdik. Ammo ikkinchi bo‘limda ikkinchi golga javob bera olmadik. Katta kuch bilan oldinga o‘tib ketib, himoyani unutib qo‘ydik. Natijada qarshi hujum orqali ikkinchi golni o‘tkazib yubordik.

Keyinchalik uyushtirilgan hujumlar samara bermadi. Bu haqida tegishli xulosalarni chiqarishimiz kerak. Oxirgi haftalarda juda tig‘iz taqvim bo‘ldi. 8 kun ichida uchinchi o‘yinni o‘tkazdik. AGMK bugun bizga nisbatan yengilroq o‘ynadi. Bugan bizga biroz kuch yetishmadi.

Men jamoa nomidan va o‘zim nomimdan uzr so‘ramoqchiman. Hozirgi holatimizdan kelib chiqib, bizni keskin muhokama qilmasliklarini iltimos qilardim. Ishlashda davom etamiz va xatolarni tuzatamiz.

Bugun chuqurroq himoyalangan holda o‘ynasak ham bo‘lardi. Shunda balki ikkinchi bo‘limda yanada yaxshiroq harakatlanishimiz mumkinmidi. Ammo muxlislar stadionga chiroyli va hujumkor o‘yin ko‘rish uchun kelishlarini inobatga olgan holda taktika tanlagandim. Odatda doim 70-daqiqadan keyin muntazam gol o‘tkazib yubormoqdamiz. Bu kishini o‘ylantiradi.

Shovshuvli transfer? Xohlardim. Xozirda ko‘proq hujum chizig‘ini kuchaytirish haqida o‘ylayapman. Hali bu borada aniq bir to‘xtamga kelingani yo‘q. Sababi men bu yerga yaqinda keldim futbolchilarning nimalarga qodir ekanliklarini hali to‘liq bilmayman. Keyinroq bu haqida o‘ylab ko‘ramiz. Yana bir bor jamoa nomidan uzr so‘rayman”, -deya Xomyakov so‘zlarini keltiradi Stadion.uz muxbiri Jaloliddin Qobiljonov.