Amerika kubogi musobaqasining "A" guruhida 3-tur o‘yinlari bo‘lib o‘tdi. Reglamentga ko‘ra, bahslar bir vaqtda boshlandi.

Braziliya terma jamoasi Peru darvozasiga javobsiz 5ta to‘p yo‘llagan bo‘lsa, Venesuela guruh autsayderi Boliviyani 3:1 hisobida mag‘lub etdi.

Natijada mezbonlar 7 ochko bilan guruh g‘olibiga aylangan bo‘lsa, Venesuela 5 ochko bilan pley-offga chiqdi. Peru esa 4 ochko to‘plagan holda 3-o‘rinni band etdi. Jamoa qolgan 2ta guruh natijalarini kutadi. Guruhlarda 3-o‘rinni egallaganalar orasida ikkitasi chorak finalga chiqadi.

Amerika kubogi, "A" guruhi, 3-tur
Peru – Braziliya 0:5 (0:3, 0:2)
Gollar: 0:1 – 12 Kazemiro, 0:2 – 19 Firmino, 0:3 – 32 Everton, 0:4 – 53 Dani Alves, 0:5 – 90 Villian.
Peru – Galyese, Advinkula, Trauko, Abram, Arauxo, Yotun (Flores, 46), Kueva (Balyon, 67), Tapiya, Polo, Gerrero (Gonsales, 55), Farfan.
Braziliya – Alisson, Dani Alves, Filipe Luis (Aleks Sandro, 57), Markinyos, Tiago Silva, Artur, Koutinyo (Villian, 77), Kazemiro (Allan, 70), Firmino, Everton, Gabriel Jezus.
Ogohlantirishlar: Kazemiro (10), Yotun (16), Tiago Silva (78), Advinkula (81).

Boliviya – Venesuela 1:3 (0:1, 1:2)
Gollar: 0:1 – 2 Machis, 0:2 – 55 Machis, 1:2 – 82 Xustiniano, 1:3 – 86 Martines.
Boliviya – Lampe, Djuzino, Akin, Bexarano (Fernandes, 72), Bexarano, Vaka, Xustiniano, Vaka (Kastro, 34), Sausedo, Arano, Moreno (Alvares, 78).
Venesuela – Farinyes, Chanselyor, Ernandes, Rosales, del Pino Mago, Rinkon, Savarino, Anyor (Soteldo, 59), Moreno, Machis (Martines, 73), Rondon (Murilyo, 86).
Ogohlantirishlar: Xustiniano (6), Kastro (63).