Xabaringiz bor, kecha Olmaliqning AGMK jamoasi Superliganing 12-turidan o‘rin olgan bahsda safarda “Andijon”ni 1:2 hisobida mag‘lub etdi. Uchrashuvdan so‘ng olmaliqliklarning g‘alaba to‘pini kiritgan Shaxzodbek Nurmatov saytimiz uchun qisqa intervyu berdi.
- Bugungi o‘yin qiyin bo‘lishini bilgandik. Birinchi bo‘limda ko‘plab imkoniyatlardan biz ham, raqib ham foydalana olmadi. Ikkinchi bo‘limda yaxshiroq o‘ynadik. Bu bizning safardagi ilk g‘alabamiz edi.
Qolaversa, bu mening birinchi golim. Debyut golim jamoaga muhim ochko keltirganidan juda ham xursandman. Nasib qilsa keyingi o‘yinlarda ham gollar urib jamoaning g‘alabasiga o‘z hissamni qo‘shaman.
Jamoamni o‘zgartiramanmi? Bu haqida gapirmaganim maqul”, -deydi Shaxzodbek Nurmatov saytimiz uchun bergan maxsus intervyusida.
Jaloliddin Qobiljonov yozib oldi.
