Хабарингиз бор, кеча Олмалиқнинг АГМК жамоаси Суперлиганинг 12-туридан ўрин олган баҳсда сафарда “Андижон”ни 1:2 ҳисобида мағлуб этди. Учрашувдан сўнг олмалиқликларнинг ғалаба тўпини киритган Шахзодбек Нурматов сайтимиз учун қисқа интервью берди.
- Бугунги ўйин қийин бўлишини билгандик. Биринчи бўлимда кўплаб имкониятлардан биз ҳам, рақиб ҳам фойдалана олмади. Иккинчи бўлимда яхшироқ ўйнадик. Бу бизнинг сафардаги илк ғалабамиз эди.
Қолаверса, бу менинг биринчи голим. Дебют голим жамоага муҳим очко келтирганидан жуда ҳам хурсандман. Насиб қилса кейинги ўйинларда ҳам голлар уриб жамоанинг ғалабасига ўз ҳиссамни қўшаман.
Жамоамни ўзгартираманми? Бу ҳақида гапирмаганим мақул”, -дейди Шахзодбек Нурматов сайтимиз учун берган махсус интервьюсида.
Жалолиддин Қобилжонов ёзиб олди.
