“Atletiko” “Benfika”ga yarim himoyachi Joau Feliksni sotib olish borasida rasmiy taklif yubordi.
Madrid klubi portugaliyalik futbolchi uchun 126 mln yevro taklif qildi, bu haqda portugaliyaliklar e’lon qilishdi.
Eslatib o‘tamiz, 19 yoshli futbolchining tovon puli 120 mln yevroni tashkil qiladi.
Ayni damda ushbu taklif ko‘rib chiqilmoqda. Agar transfer amalga oshsa “Benfika” 120 mln yevro oladi qolgan 6 mln yevroni esa barcha harajatlarni qoplaydi.
Ma’lumot o‘rnida, o‘tgan mavsum Feliks Portugaliya chempionatida 26 ta o‘yinda maydonga tushib 15 ta gol va 7 ta golga assisentlik qildi.
