Keng jamoatchilikning fikrini o‘rganish, O‘FAning keyingi ish rejalari bilan o‘rtoqlashish, qolaversa, O‘FA rahbariyati bilan intervyu uyushtirish bo‘yicha kelib tushayotgan ko‘plab so‘rovlarni inobatga olgan holda 29 iyun kuni ochiq muloqot tarzida matbuot anjumani tashkil etiladi.
Unda barcha turdagi ommaviy axborot vositalari vakillari ishtirok etishlari mumkin bo‘ladi. Muloqot jarayonida O‘FA vakillari olib borilayotgan ish jarayoni xususida ma’lumot berishadi. OAV vakillari esa o‘zlarini qiziqtirgan savollar bilan murojaat etish imkoniga ega bo‘lishadi.
Ochiq muloqot tarzidagi matbuot anjumani 29 iyun kuni soat 11:00da O‘FA majlislar zalida bo‘lib o‘tadi. Unga barcha turdagi OAV xodimlarini taklif etamiz.
