«Barselona» va Urugvay terma jamoasi hujumchisi Luis Suares Amerika kubogidagi so‘nggi ikkita o‘yinda jarohat bilan harakatlangani aniq bo‘ldi.
Futbolchi guruh bosqichining 2-turi doirasida Yaponiyaga qarshi o‘yinda chap qo‘lining to‘rtinchi barmog‘i (nomsiz barmoq)ni sindirib olgan edi. U Chili (guruh bosqichi, 3-tur) va Peru (chorak final) qarshi o‘yinlarda barmog‘iga shina qo‘ygan holda o‘ynadi.
Luis Suares musobaqada 4ta o‘yinda maydonga tushib, ikkita gol urdi va bitta golga uzatma berdi.