Ushbu rukndagi eng so‘nggi yangiliklar bilan tanishtirishda davom etamiz.
Arnautovich klubini o‘zgartirishi mumkin
Angiliyaning «Vest Hem» futbol klubi hujumchisi Marko Arnautovich bilan bir nechta Xitoy klublari qiziqib qoldi.
Futbolchining o‘zi ham katta maosh belgilangan shartnomadan bosh tortishni istamayapti. «Sokker» nashrining xabar berishicha, futbolchining Xitoy klublaridagi maoshi hozirgi klubinikiga qaraganda bir necha barobar kattaroq bo‘ladi va turli bonuslarni o‘z ichiga oladi.
Shunday bo‘lsada, «Vest Hem» o‘z futbolchisini 40 milliondan kamiga sotib yubormoqchi emas. Chin o‘lkasi vakillari esa hozircha 20 millon yevro taklif qilishdi. Manbaaning xabar berishicha, tomonlar shu kunlarda 30 million atrofidagi summaga rozi bo‘ladi va futbolchi Xitoy chempionatida yangi mavsumni boshlaydi.
«Liverpul» Lovreni sotmoqchi emas
«Liverpul» klubining xorvatiyalik himoyachisi Derek Lovren «Milan» klubi e’tibor markazida turganidan xabaringiz bor. 29 yoshlik futbolchi yakunlangan mavsumda asosiy tarkibdagi o‘rnini boy berib qo‘ygan bo‘lsada, klub uning hizmatlaridan foydalanish niyyatidan qaytmayapti. O‘tgan mavsumda atiga 13 ta uchrashuvda maydonga tushgan markaziy himoyachi uchun kurashga qo‘shilgan «Milan» rad javobini oldi. Qo‘shimchasiga «Liverpul» klubi o‘z futbolchisini sotmasligini rasman e’lon qildi.
Futbolchi va klub o‘rtasida tuzilgan shartnoma yana ikki yil ishlaydi.
«Lester» yangi yulduzchani tez orada mashxur qiladi
O‘z vaqtida Dunyoning eng iqtidorli yosh futbolchilaridan biri sifatida nom qozongan Ayose Perez tez orada «lester» futbolchisiga aylanadi. Bugun u «tulkilar» safiga o‘tish uchun so‘nggi qadamini qo‘ydi va tibbiy ko‘rikdan muvaffaqiyatli o‘tdi.
Futbolchining transferi 30 milliondan sal oshishi kutilmoqda. Ayose Perez yakunlangan mavsumni APLning «Nyukasl» klubida o‘tkazdi va 37 ta uchrashuvda 12 ta gol kiritishni uddaladi.
Ander Errara «PSJ» futbolchisi!
Rasmiy saytlarning xabar berishicha, ispaniyalik Ander Errera «PSJ» futbolchisiga aylandi. Uning «Manchester Yunayted» bilan shartnomasi bir necha kun avval yakunlangan edi va futbolchi erkin agent sifatida Parij klubi safiga borib qo‘shildi.
«PSJ» klubi ustozi Anderdan Rabioning o‘rnini bosishini kutmoqda. Transferga oid to‘liq yangilikni tez soatlarda saytimizda o‘qishingiz mumkin.
Rasman: «Vilyareal» «Napoli» futbolchisini xarid qildi
«Napoli» klubi himoyachisi Raul Albiol ispaniyaning «Vilyareal» klubi safiga borib qo‘shildi. Himoyachi klub bilan 3 yillik shartnoma imzoladi. Unga ko‘ra himoyachi 4 milliondan ortiqroq pul ishlab oladi.
Eslatib o‘tamiz, 33 yoshli Raul Albiol yakunlangan mavsumda «Napoli» safida 20 ta uchrashvuda maydonga tushdi va bir bor raqiblari darvozasini ishg‘ol qildi.
Marselo ketadi
Braziliyalik hujumkor himoyachi boshqa klubga o‘tishni istamoqda. Uning klubdagi ishlari ortga ketgani sababli, hammasini boshidan boshlash niyyatida. 31 yoshlik futbolchining xizmatlari bilan «Milan», «Arsenal», «PSJ» «Yuventus» singari grand klublar qiziqmoqda.
«Real Madrid» Ferlen Mendini xarid qilgach, katta ehtimol bilan Marseloni zahira variyantiga aylantirib qo‘ymoqchi edi. Futbolchi voqealar rivojining bunday ko‘rinish olishini istamadi va klubini o‘zgartirishga qaror qildi.
«Tottenhem»ga «Real Madrid» o‘yinchisi kerak
“Maurisio Pochetino klub rahbalaridan «Real Madrid» klubi hujumchisi Mariano Diasni xarid qilishni talab qilmoqda”,- deb xabar bermoqda «OK Diario» nashri.
Mariano Dias Zayniddin Zidanning rejasida yo‘q ekanligini hisobga olsak, bu transfer amalga oshishining ehtimoli yuqori.
25 yoshlik Dominakanlik futbolchi yakunlangan mavsumda atigi 13 ta uchrashuvda maydonga tushdi va bor yo‘gi 3 ta gol kiritdi.
