«Anderlext» klubi yarim himoyachi Samir Nasri bilan shartnoma tuzilganini e’lon qildi. 32 yoshli futbolchi belgiyaliklar safiga erkin agent sifatida o‘tdi.
Nasri o‘tgan mavsumneing ikkinchi qismini «Vest Xem» safida o‘tkazib, 5ta o‘yinda ikkita golli uzatmaga mualliflik qildi.
Bungacha futbolchi 2017 yilning noyabr oyidan beri rasmiy o‘yinlarda maydonga tushmayotgan edi. 2018 yilning fevral oyida u doping tufayli diskvalifikasiya qilingan edi.
Samir Nasri faoliyati davomida «Marsel», «Arsenal», «Manchester Siti», «Sevilya» va «Antalyaspor» jamoalarida o‘ynagan.