«Андерлехт» клуби ярим ҳимоячи Самир Насри билан шартнома тузилганини эълон қилди. 32 ёшли футболчи бельгияликлар сафига эркин агент сифатида ўтди.
Насри ўтган мавсумнеинг иккинчи қисмини «Вест Хэм» сафида ўтказиб, 5та ўйинда иккита голли узатмага муаллифлик қилди.
Бунгача футболчи 2017 йилнинг ноябрь ойидан бери расмий ўйинларда майдонга тушмаётган эди. 2018 йилнинг февраль ойида у допинг туфайли дисквалификация қилинган эди.
Самир Насри фаолияти давомида «Марсель», «Арсенал», «Манчестер Сити», «Севилья» ва «Антальяспор» жамоаларида ўйнаган.