"Jirona" himoyachisi Bernardo Espinosa jamoasi La Ligani tark etishiga qaramay, faoliyatini La Liga jamoasida o‘tkazadi.
29 yoshli kolumbiyalik futbolchi "Espanyol" safiga kelib qo‘shildi, deb yozadi klub rasmiy sayti. U yangi jamoa safida bir yillik ijara asosida to‘p suradi.
Ma’lumot o‘rnida, o‘tgan mavsumda Espinosa La Ligada 31 ta o‘yinda ishtirok etib, 1 ta gol urgan va 1 ta gollik uzatma bergan.
Shuningdek, futbolchi avval "Sevilya", "Sporting" va "Midlsbro" jamoalarida to‘p surgan.