"Atletiko" hujumchisi Antuan Grizmann kecha, 6 iyul kuni bayonot berib, madridliklar safiga qaytmasligini ma’lum qildi. U o‘z yuristlari orqali klubga shuni ma’lum qildiki, 120 million yevro miqdoridagi tovon pulini futbolchining o‘zi to‘laydi. Bu haqda Mundo Deportivo nashri xabar tarqatdi.

Klub bugundan yangi mavsumga tayyorgarlikni boshlaydi. Fransiyalik o‘yinchi jamoa yig‘iniga qo‘shilishi kerak edi. Grizmann ixtiyorida esa 120 million yevro to‘lab, chekini klubga yuborish uchun 2 kun vaqt bor.

Kuni kecha "Barselona" va "Atletiko" jamoalari rahbariyati o‘rtasida bo‘lib o‘tgan muzokarada madridliklar "ko‘k-anorranglilar" tomonidan berilgan tovon pulini bo‘lib to‘lash haqidagi taklifga rad javobini berishgandi. Ular 120 million yevroni birdaniga to‘lashni talab qilishdi.