O‘zbekiston Liga kubogining “D” guruhi 3-turi doirasidagi “Andijon” – “Navbahor” (3:0) jamoalari o‘rtasidagi uchrashuvdan keyingi matbuot anjumanining ikkinchi qismida “Andijon” bosh murabbiyi Aleksandr Xomyakov ishtirok etib, jurnalistlarning savollariga javob berdi.

- G‘alaba qozonish doimo yoqimli. Raqib darvozasiga javobsiz uchta to‘p kiritib, muxlislarimizni xursand qildik. O‘yin borasida gapiradigan bo‘lsam, birinchi bo‘limda shogirdlarimning maydondagi harakatlari unchalik qovushmadi. Vaholanki, biz mazkur o‘yinga “Navbahor”ning yoshlar  tarkibidagi futbolchilari kelishini bilardik. Aftidan, ushbu holat ham yigitlarga o‘z ta’sirini o‘tkazgan.

Ta’kidlaganimdek, shogirdlarimning ilk bo‘limdagi o‘yinidan qoniqish hosil qilmadim. Shukrki, ular bunday o‘yin bilan raqibni yutib bo‘lmasligini angladilar va o‘z zimmalaridagi vazifalarga haqiqiy professionallarcha yondashgan holda, uchta gol urishning uddasidan chiqishdi. Shuning evaziga bo‘lsa kerak, ikkinchi bo‘lim to‘laligicha bizning ustunligimiz ostida kechdi. Muhimi, ishonchli g‘alaba qo‘lga kiritildi. Ammo aytish joizki, “Navbahor”ning yoshlar tarkibini mag‘lubiyatga uchratganimiz uchun havolanib ketmasligimiz kerak. Bevosita “Andijon”ga kelsak, jamoa o‘yin uslubini mukammal ko‘rinishga keltirish ustida ishlamoqda.

  Jamoamizda tiklanish davri davom etmoqda. Boz ustiga g‘alabasiz uchrashuvlar seriyasi tufayli futbolchilardagi ruhiyat ancha tushib ketgandi. Tabiiyki, bunday mahalda butun jamoa katta bosim ostida qolib ketadi. Biz murabbiylarning qarshimizdagi asosiy vazifa futbolchilarni ruhiy tushkunlik holatidan olib chiqib ketishdan iborat edi. Tyez-tez g‘alaba qozonilsa, ruhiyat masalasida keskin darajada yaxshi tomonga o‘zgarish kuzatiladi.

Shunday musobaqada erishilgan g‘alaba biz uchun juda muhim edi. Chunki muvaffaqiyat futbolchilarning o‘z kuchiga bo‘lgan ishonchlarini oshiradi. Asta-sekinlik bilan ruhiy inqiroz ko‘chasidan chiqib boryapmiz.

Shuningdek, faqat g‘alaba ishonchni kuchaytirmaydi, balki himoyadagi bexato o‘yin futbolchilarning ruhiyatiga ijobiy ta’sir ko‘rsatadi. Shundan kelib chiqqan holda mazkur bahs uchun tanlagan taktikamizda himoyaga ham e’tibor berishga harakat qildik.

Darvoza daxlsizligi saqlab qolinsa,  ekan, bu futbolchilar ruhiyatini ko‘taradi.

“Navbahor” PFK matbuot xizmati.