Budapesht shahrida davom etayotgan dzyudo bo‘yicha Gran-pri musobaqasining ikkinchi kuni ham o‘z yakuniga yetib bormoqda. Xabar berganimizdek, ushbu kun doirasida ikki o‘zbekistonlik dzyudochi bronza medali uchun o‘zaro raqib bo‘lishdi.
-73 kilogramm vazn toifasida ishtirok etgan vakillarimiz Hikmatilloh To‘rayev va G‘iyosjon Boboyev bahsi ko‘pchilikning diqqat-markazida bo‘ldi. Murosasiz kechgan bellashuv yakunida To‘rayevning qo‘li baland keldi. Ushbu natija bilan Hikmatilloh 350, G‘iyosjon esa 252 reyting ochkosiga ham ega bo‘ldi.
Shu tariqa terma jamaomizning Budapesht Gran-prisida qo‘lga kiritgan medallari hozircha 2 ta bronzani tashkil qilmoqda. Ertaga bo‘lib o‘tadigan og‘ir vaznli polvonlar bahsida ham 5 nafar vakilimiz kurash olib borishadi.
