Shu kunlarda «Neymar Junior» hayriya fondi tomonidan uyushtirilayotgan katta futbol shousida ishtirok etish uchun Braziliyada bo‘lib turgan Neymar, jurnalistlarni qiziqtirgan bir nechta savollarga javob berdi. Bugun kichik intervyuni sizlar uchun tarjima qildik.

Butun boshli kariyerang davomida eng esda qolarli g‘alaba qaysi?

-  Darhaqiqat, har qanday futbolchining bitta ajoyib o‘yini bo‘ladi. Menda bunday uchrashuvlardan bir emas ikkita. Birinchisi yurtimda bo‘lgan olimpiyada finalidagi g‘alabamiz bo‘lsa, ikkinchisi «PSJ»  ustidan 6 : 1 hisobida g‘alaba qozongan o‘yinim. Tan olish lozim, bu ikki uchrashuvdan so‘ng anchagacha tunlari uxlay olmaganman.

Qaysi klub safida o‘zingni oilaning a’zosidek his qilasan?

-  To‘g‘risini aytsam, hamma klublarimda meni yaxshi ko‘rishgan va hurmat qilishgan. Men ham iloji boricha hech kimni hafa qilmaslikka urunaman. Shunday bo‘lsada, «PSJ» ustidan qozonilgan g‘alabadan song «Barselona» kiyinish xonasidagi atmosferani alohida aytib o‘tishni istagan bo‘lar edim. Bilasizmi, sizning jamoangiz har uchrashuvda ham raqiblar darvozasiga 6 gol kirita olmaydi. O‘sha kuni yigitlar bilan tonggacha bayram qilgan edik. Hamma-hammamiz bir oiladek g‘alabani birga nishonlagan edik.

Ko‘rinib turibdiki, «Barselona»ga bo‘lgan mehring bo‘lakcha.  Agarda bu mavsumda Kataloniya klubi seni harid qilmasa, qanday yo‘l tutasan?

-  Mening «Barsa»ga qaytishni istayotganim haqiqat. Agarda bu transfer amalga oshmasa, men «PSJ» jamoasida to‘p surayotganimdan g‘ururlanishda davom etaman. Parij meni doim o‘ziga mahliyo qilgan shahar. Bu yerdagi hamma shariotlar meni yuz foiz qoniqtiradi. Shunchaki, «Barselona» mening uyim va inson o‘z uyi tomon doim intiladi. Bu odatiy hol. Bundan falokat yasashning xojati yo‘q.  Mening uyga qaytishni istaganim «PSJ» klubida yomon insonlar ish yuritadi degani emas.