Qozog‘istonning Nur-sultan shahrida triatlon bo‘yicha IRONMAN70.3 xalqaro musobaqasi o‘tkazildi. Mazkur nufuzli turnirda dunyoning 50 mamlakatidan 1400 ga yaqini triatlonchi ishtirok etishdi.
E’tiborlisi, unda qatnashgan “I Love Supersport Uzbekistan” jamoasi estafeta yo‘nalishida uchinchi o‘rinni qo‘lga kiritdi. Shuningdek, 30-34 yosh toifasida yurtimiz sharafini himoya qilgan Andrey Sharipov marra chizig‘ini to‘rtinchi bo‘lib kesib o‘tdi. Sportchilarimiz garchi bu yo‘nalishda shohsupaga ko‘tarila olmagan bo‘lsa-da, noyabr oyida Yangi Zelandiyada bo‘lib o‘tadigan jahon chempionatiga yo‘llanmani qo‘lga kiritishdi.
