Қозоғистоннинг Нур-султан шаҳрида триатлон бўйича IRONMAN70.3 халқаро мусобақаси ўтказилди. Мазкур нуфузли турнирда дунёнинг 50 мамлакатидан 1400 га яқини триатлончи иштирок этишди.
Эътиборлиси, унда қатнашган “I Love Supersport Uzbekistan” жамоаси эстафета йўналишида учинчи ўринни қўлга киритди. Шунингдек, 30-34 ёш тоифасида юртимиз шарафини ҳимоя қилган Андрей Шарипов марра чизиғини тўртинчи бўлиб кесиб ўтди. Спортчиларимиз гарчи бу йўналишда шоҳсупага кўтарила олмаган бўлса-да, ноябрь ойида Янги Зеландияда бўлиб ўтадиган жаҳон чемпионатига йўлланмани қўлга киритишди.
