"Barselona" hujumchisi Antuan Grizmann o‘zining yangi jamoasi safidagi debyut o‘yinidan nimalar kutayotganini ma’lum qildi.
"Ertaga bu formada ilk daqiqalarni o‘tkazaman. Yangi jamoadoshlarim bilan o‘yindan maroq olish imkoniyatini intizorlik bilan kutyapman", - deya Grizmanning so‘zlaridan iqtibos keltirdi "Barselona" rasmiy Tvitteri.
Eslatib o‘tamiz, "Barsa" ertaga, 23 iyul kuni "Chelsi"ga qarshi o‘rtoqlik o‘yinini o‘tkazadi. Uchrashuv Yaponiyaning Saytama shahrida o‘tkaziladi.